Kuwa gatatu 5 Ukwezi kwa kabiri Matayo 10.16-33

Ikib.2 “Dore mbatumye muri nk’intama hagati y’amasega,..” (16):  Ubutumwa abigishwa ba Yesu bahawe kubwira isi ni ubw’amahoro n’ineza, kandi Yesu asaba abigishwa be kugira ubwenge. Ibyo Yesu yabwiraga abigishwa be inama zibakomeza mbere yuko bajya mu murimo, kuko bari guhuriramo nibibagora bitari bimwe. Mu rugendo rwabo Yesu yabakanguriye kwihanganira ibyo banyuramo byose, kugira ubwenge no kutagira uwo bareganya. Ibyo Yesu yavuze muri icyo gihe, nubu abakristo turabibwirwa, duharanire guhora twezwa kandi dukora umurimo twahamagariwe neza. Kuko atari mwe muzaba muvuga, ahubwo ari Umwuka wa So uzabavugisha (20): Uyu murimo duhamagarirwa gukora si uwacu ahubwo ni uwiyaduhamagaye. Ntukajye uterwa ubwoba n’imigambi ya Satani kuko Yesu yaranesheje. Gusenga. Uwiteka Mana ishobora byose duhe kugira umutima ujijutse nk’uwari muri Kristo Yesu. Indir. 145 Gushimisha.