Kuwa gatandatu 7 Ukwezi kwa cyenda Yosuwa 24.1-33

Ikib.1,4

Uwiteka Imana y’Abisirayeli ivuze iti ‘Kera basogokuruza babaga hakurya ya rwa ruzi…’(2): Nyuma yo kubagira inama Yosuwa yakurikijeho guhanura. Urugendo rurerure yakoze n’intambara nyinshi yarwanye ntabwo byamubujije gusaza agifitanye n’Imana ubusabane. Ibyo yari yarumvise Imana ivugana na Mose, ndetse na we ubwe, yabishyize mu bikorwa, bituma no mu busaza yari akiri inkoramutima yayo. Imana yabibukije amateka yabo uhereye kuri sekuruza Aburahamu mwene Tera. Muri ayo mateka hari hakubiyemo ibibazo bahuye na byo, n’uko Imana yabikemuye, hamwe n’amasezerano yabahaye n’uko yayasohoje. Yosuwa akiriho Abisirayeli bakoreye Uwiteka (31): Yababereye umuyobozi w’intangarugero, kandi agahora abibutsa kubaha Uwiteka. Kuba intangarugero ku bo tuyoboye bigira imbaraga zo gutuma abantu bakunda Imana kurenza amagambo tubabwira. Ubuzima bwa Yosuwa buratwemeza ko kugendana n’Imana ubuzima bwawe bwose bishoboka. Indir. 195 Gushimisha.